Распавесці сябрам:
Усім, хто ў 90-х на пытанне “Хто пераможа: Робакоп ці Тэрмінатар?” вырашаў на карысць першага, прысвячаецца гэты трэйлер.
Рэмэйк знаёмай усім гісторыі пра робата-паліцэйскага: У 2029 шматнацыянальны кангламерат OmniCorp знаходзіцца на чале даследаванняў у галіне робататэхнікі . Дроны кампаніі атрымалі перамогі ва ўсіх амерыканскіх войнах , і цяпер фірма плануе выкарыстаць свае дасягненні і ў мірным жыцці.
Алекс Мэрфі , любячы муж, бацька і добры паліцэйскі, змагаецца з лавінай злачыннасці і карупцыі , што абрынуліся на Дэтройт. Яго, цяжка параненага пры выкананні службовых абавязкаў, вырашаюць задзейнічаць у робататэхнічным эксперыменце, каб выратаваць герою жыццё. Алекс вяртаецца на вуліцы горада з новымі здольнасцямі, але і з пытаннямі , з якімі чалавеку ніколі раней не даводзілася сутыкацца.
