«Адрынутыя» — беларускі трэйлер

Ад 7 лютага ў кінатэатрах — «Адрынутыя», экранізацыя знакамітага м’юзікла 1980 года, у сваю чаргу пастаўленага па раману Віктора Гюго.  Трэйлер абяцае эпічнае відовішча.

«Адрынутыя» Віктора Гюго ўваходзяць у спіс самых значных твораў французскай літаратуры. Гэта гісторыя барацьбы за справядлівасць, свабоду і каханне ў часы французскай рэвалюцыі. Мюзікл, што быў пастаўлены ў 1980 быў названы самым даўгаграючым у гісторыі. Як паведамляла газэта Guardian у 2006 годзе, ён ані разу не сыходзіў са сцэны на працягу 21 года. М’юзікл ставілі 57 прафесійных трупаў у 221 горадзе ў 38 краінах. Ён вытрымаў больш за 38 тысячаў паказаў, яго гледачамі былі больш за 54 мільёнаў чалавек.

Цікавы факт: кампазіцыя «Do You Hear the People Sing» («Ці чуеце вы народны спеў» — у м’юзікле яна суправаждае пачатак французскай рэвалюцыі) суправаждала студэнцкія выступленні на плошчы ЦяньАньМынь у 1989 годзе.

 

Поделиться этой записью

  • Facebook
  • Twitter
  • Google Buzz

Падзяліцца меркаваннем