Легендарныя Хронікі Нарніі ў кінатэатрах па-беларуску!

5-7 студзеня ў кінатэатры «Масква» адбудзецца прэм’ера фільма «Хронікі Нарніі: Леў, Вядзьмарка і гардэроб» і аднайменнай знакамітай казкі К. С. Льюіса ў перакладзе на беларускую мову. Квіткі можна набыць у касах кінатэатра і на bycard.

Падчас другой сусветнай вайны чацьвярых дзяцей эвакуююць у глыб Англіі. Яны пасяляюцца ў доме старога прафесара. Малодшая з дзяцей, Люсі, падчас гульні ў хованкі знаходзіць у шафе-гардэробе праход у чароўную краіну — Нарнію. Там ужо 100 год зіма, якую начаравала Белая Вядзьмарка. Ці здолеюць дзеці разбіць злыя чары і стаць каралямі і каралевамі Нарні?

Кнігай «Леў, Вядзьмарка і гардэроб» К. С. Льюіс разам са сваім сябрам Дж. Р. Р. Толкінам заклаў аснаванні жанру “фэнтэзі”. Казка нязменна ўваходзіць у рэйтынгі самых чытаных і самых улюбёных дзіцячых кніг у гісторыі. Экранізацыя чароўнай гісторыі, створаная кампаніямі Disney і Walden Media, стала адным з самых папулярных фільмаў 2005 года. Цяпер кіно выходзіць на кінаэкраны і ў беларускай агучцы.

Фільм агучаны кампаніяй «Кінаконг» ў межах праекта «Беларускія ўікэнды» пры падтрымцы кампаніі velcom. У агучцы прымалі ўдзел найлепшыя беларускія акцёры і тэлевядучыя.

Прэм’ера фільма па-беларуску: 5 студзеня ў кінатэатры «Масква». Адначасова адбудзецца прэзэнтацыя першага ў Беларусі пераклада аднайменнай кнігі на беларускую мову, на выданне якой зараз ідзе збор грошаў. У дні паказаў будзе магчымасць набыць кнігу па зніжаным кошце проста ў кінатэатры.

Дні паказаў: 5—7 студзеня кінатэатр «Масква». Дадатковыя паказы: 12-14 студзеня кінатэатр «velcom cinema» (ГЦ «Дана Мол»).

Квіткі можна набыць у касах кінатэатра і на bycard.

Падрабязнасці на сайце kinakong.by/narnia. Дадатковыя пытанні па тэлефоне +375 29 5543459 (Андрэй)

 

 

Падзяліцца допісам

  • Facebook
  • Twitter

Падзяліцца меркаваннем