«Кніга Ілая» — легендарны постапакаліпсіс па-беларуску 28-30 красавіка к-т «Масква»

28–30 красавіка адбудуцца новыя паказы «Беларускіх уік-эндаў». Гэтым разам на беларускай мове загавораць героі постапакаліптычнага баевіка «Кніга Ілая».

Сусвет, перажыўшы атамную вайну, выглядае як вялікая спаленая сонцам пустыня. Людзі да смерці б’юцца за рэчы, якія раней лічыліся смеццем. Вада – найвялікшая каштоўнасць. Большасць людзей не ўмее чытаць, цывілізацыя вярнулася да амаль прымітыўнага стану. Галоўны герой – Ілай – памятае час да вайны, калі ўсё было інакш. Ён нясе кнігу, што мае сілу выправіць усё гэта. Але гэтую сілу прагнуць здабыць і іншыя, і яны не спыняцца ні перад чым, каб завалодаць ёю…

Галоўныя ролі ў фільме выканалі Дэнзэл Вашынгтон, Гары Олдмен і Міла Куніс.
Дзякуючы зорнаму акцёрскаму складу, вялікаму бюджэту ($80 млн) і ўнікальнай атмасферы, створанай у фільме, стужка справядліва лічыцца адным з найярчэйшых прадстаўнікоў жанру постапакаліпсіс у кінематаграфіі.

Праект «Беларускія ўік-энды» пры падтрымцы кампаній Атлант Тэлекам і velcom ладзіць паказы гэтага фільма ў беларускай агучцы. На беларускую мову фільм агучылі: Павал Харланчук, Святлана Цімохіна, Зміцер Саладуха, Ганна Хітрык, Алесь Малчанаў, Уладзімер Глотаў.
Квіткі можна набыць у касах кінатэатра і тут: kino.bycard.by/movie/kniga_ilaya

Падзяліцца допісам

  • Facebook
  • Twitter

2 комментария on "«Кніга Ілая» — легендарны постапакаліпсіс па-беларуску 28-30 красавіка к-т «Масква»"

  1. Аляксандра 30.04.2017 из 8:27 пп - Ответ

    Даўно жадала паглядзець фільм у прафесійнай беларускай агучцы.Атрымала асалоду ад прагляду.Няхай было б болей такіх беларускамоўных фільмаў.Тым больш,што (мяркуючы па поўнай зале кінагледачоў) са мной пагадзяцца многія.Так трымаць :)

  2. Марина 02.05.2017 из 4:17 пп - Ответ

    Вялікі дзякуй арганізатарам гэтага мерапрыемства за магчымасць атрымаць асалоду ад нашай мелагучнай беларускай мовы на вялікім экране, якой так не хапае нам у рэальным жыцці! Вельмі спадабауся фільм і агучка! Першы раз апынулася на паказе, і цяпер я — ваш пастаянны глядач :)

Падзяліцца меркаваннем